ഇടങ്ങള്‍

പത്രമുതലാളിമാര്‍ കെട്ടുകെട്ടിച്ച വിഎം ദീപ എഴുതുന്നു

2012-01-06T23:48:00.001+04:00

പത്രമുതലാളിമാര്‍ കെട്ടുകെട്ടിച്ച വിഎം ദീപ എഴുതുന്നു

http://marunadanmalayalee.com/mminnerpage.aspx?newsid=65140#.TwafnBhazQA.facebook

സ്നേഹത്തിന്റെ മൊത്തക്കച്ചടക്കാർ

2011-12-14T22:20:00.000+04:00

ദൂൾ ൻയൂസ്

മാധ്യമം

റിപ്പോർട്ടർ

Mullaperiyar- the real lowdown

2011-11-23T12:54:00.000+04:00

Mullaperiyar- the real lowdown

1. We had been hearing about Mullaperiyar issue for quite some time and nothing has happened to it, despite quite a few tremors in the dam site. Is this just a wave of sensation created by media?

Mullapperiyar dam is weak and vulnerable. This has been confirmed by several expert committees. Each tremor , each flood weakens it further . We are just plain lucky that the dam did not fail till today. Lady luck may not be with us forever. It may fail today, it may fail tomorrow. The risk is real. It is not a hoax.

2. What’s wrong with the dam? Why can’t we fix it?
The dam is very old. Not many dams of its age are in service today. The binding material used for the dam is lime. It has leached with age.

3. But Tamil Nadu did some reinforcement in the recent decades.
The reinforcement work did more harm than good to the dam. This has also been confirmed by the experts . There is a horizontal full length crack on the dam, in addition to hollow insides caused by the concreting work, leached lime, breakages and leaks.

4. Isn’t this dam thing a game of mud sling between ruling party and opposition of the State?
No. All political parties of the state stand united, since it is a question of life of millions. They stood so during the previous Government, they continue to do so during the current Government. This is not a political game, this is real.

5. If it is so, why nothing is happening?
It is a complicated legal and political battle between states. Things are before the apex court and it is not so easy to resolve. One state’s demand cannot work out so easily.

6. Mullaperiyar is not that big a dam. It is just 1200 feet long and 150 feet tall. Even if it fails, it may not cause deaths by millions . Especially, considering its immediate flood area is mostly forests.

The disaster will not be just from the failure of one dam. If Mullapperiyar dam breaches, it will discharge millions of cubic feet of waters downstream and Idukki Arch Dam, will not be able to stand even a small portion of it. This will cause failure of Idukki Dam, which will cause of the worst tragedies Kerala has ever known. It is almost certain that Idukki Dam will fail if Mullapperiyar breaches.

7. What would happen if Idukki Dam fails?
The devastating effect of Idukki Dam failure is just unimaginable. Experts say three districts of Kerala will be totally destroyed. Evacuation of people from these three heavily populated districts sensing a dam breach is just impossible.

8. But what would be the impact? If a dam breaches it will be just a flood, right?
Wrong. Idukki dam can discharge 75000 million cubic feet of water. It weighs 22 Billion tons. Dam breaches do not cause just floods. It can even make a landmass disappear instantly. People may die in millions, forests and habitable landscape may get eroded.

9. But Tamil Nadu needs water for irrigation . They are entitled to it by contracts. Why can’t we provide them an alternative source and resolve the issue?
We have already proposed to build a new dam downstream. TN did not agree to it because it will result in new lease agreement and probably new lease rent. It may be a vote wooing tactic for them, but it is a question of life and death for us.

10. What can we do? Can ask our State to forcefully decommission the dam?
Unfortunately, force doesn’t work. If the state decides to take a step that is contradictory to the federal principle, Center will have to intervene. All we can do it so give maximum aware ness to the people , place pressure on Center to take urgent actions and save lives by millions.

11. Which political party should I stand with? Which organization is going to do it right?
All parties stand united for our lives. Support Kerala state, its current ministers, there is no party politics in this. This is a question of survival, there just cannot be two opinion on this. Be part of any party, any campaign, any movement, any activity for it.

Content courtesy: Devanand Pillai
https://profiles.google.com/102185198577333904748/buzz/2jtpPQRKMnA

മഹാരാജാവേ, അടിയന്റെ പരാതി പരിഹരിച്ചാലും!!

2011-11-20T21:37:00.002+04:00

ഈ ജനസമ്പർക്ക പരിപാടി എന്ന ഉഡായിപ്പ് പഴയ രാജഭരണകാലത്തിന്റെ പുളിച്ച്തേട്ടലല്ലേ,
മഹാരാജാവിനെ നേരിൽ കണ്ട് സങ്കടമുണർത്തിക്കുന്ന രജഭക്തനായ പ്രജകൾക്ക് രാജാവ് 'ഇൻസ്റ്റന്റ്' പരിഹാരം ഉത്തരവിടുന്ന ആ പഴയ ഏർപ്പാടിന്റെ പുതിയരൂപം.

ജനസേവനമെന്നത് ഭരിക്കുന്നവന്റെ (ആ വാക്കിനുതന്നെ പ്രശ്നമുണ്ട്, ജനപ്രധിനിധി എന്നതാണ് ശരിയായ വാക്ക്, അതിലെല്ലം ഉണ്ട് താനും, ജനാധിപത്യത്തിലാണെങ്കിൽ ) ഔദാര്യമോ പിച്ചയോ ആണെന്നും, വേണ്ടവർ അത് നേരിട്ട് വന്ന് കാലുപിടിച്ചാലല്ലാതെ അത് നടത്തികൊടുക്കില്ലെന്നുമുള്ള ഈ ധിക്കാരത്തിനേയാണ് മാധ്യമ ശിങ്കങ്ങൾ കഥയെന്തെന്നറിയാതെ ലോകറിക്കാഡെന്നൊക്കെ വിളിച്ച് പുളകം കൊള്ളുന്നത്, കഷ്ടം.

മതിലിടിയുമോ!!!

2011-10-28T20:37:00.001+04:00

ജനപ്രിയ മലയാള സിനിമാസ്വാദകർക്ക് സുപരിചിതമായ സലീം കുമാറിന്റെ 'ബിരിയാണി പ്രതീക്ഷ' ബലിശവും അസംബന്ധവും ആയിരിക്കുമ്പോൾ തന്നെ അതിനെ പ്രിയങ്കരമോ ആസ്വാദ്യകരമോ ആക്കുന്നത് എങ്ങാനും ആ പ്രതീക്ഷ (പ്രായോഗികമായി തീർത്തും അസാധ്യമായിരിക്കുമ്പോൾ തന്നെ) സഫലമാകുകയാണെങ്കിൽ അതുതരാൻ പോകുന്ന സന്തോഷം കൂടിയാവണം.

സ്വപ്നം കാണാൻ ഒരു കോൺഗ്രസ്സിലും പ്രമേയം പാസാക്കിയെടുക്കേണ്ടതില്ല, അതിനുള്ള അധികാരത്തെ ആർക്കും വീറ്റോ ചെയ്യാനോ ആകാശത്ത് നിന്ന് മിസൈലിട്ട് തകർക്കാനോ കഴിയില്ല. ആ സ്വപ്നം സലീകുമാറിന്റെ 'ബിരിയാണി പ്രതീക്ഷ'പോലെതന്നെ ബലിശവും അസംബന്ധവും ആണെന്നറിഞ്ഞുതന്നെ ഞാൻ പകൽസ്വപ്നം കാണുന്നു, കണ്ടുതുടങ്ങുന്നു.

വരൂ, ബാബമാർ വിടുന്ന വളിയിൽ നിന്ന് പ്രചോദനമുൾക്കൊണ്ട് നമുക്കിനിയും മെഴുകുതിരികൾ കത്തിക്കാം

2011-06-04T23:31:00.000+04:00

അനുഭവിക്ക്,

ഒരു ജനാധിപത്യ രാജ്യത്തിന്റെ രാഷ്ട്രീയ സംവിധാനങ്ങളെ മുഴുവൻ കാറ്റിൽ പറത്തി ഒരു കിളവൻ മൂന്നാം കിട ബ്ലാക്ക് മെയിൽ നടത്തി ആളാകുമ്പോ അതിലടങ്ങിയിരിക്കുന്ന അപകടം മനസ്സിലാക്കാതെ അതിനെ കാത്തിരുന്ന വിപ്ലവം, വൈകിയെത്തിയ വസന്തം എന്നൊക്കെ കുളിരുകോരി മെഴുകുതിരിയും കത്തിച്ച് പട്ടിണികിടന്ന് (ചുളിവിൽ, മെയ്യനങ്ങാതെ) വിപ്ലവകാരികളാവുമ്പോ അതിനെ എതിർത്തവരു മുഴുവൻ രാജ്യദ്രോഹികളായിരുന്നു, അഴിമതിയിൽ മുങ്ങിക്കുളിച്ച് രാജ്യത്തെ കുട്ടിച്ചോറാക്കുന്ന രാഷ്ട്രീയക്കാരന്റെ ഏറാൻ മൂളികളായിരുന്നു.

ആഹ, വരൂ ബാബമാർ വിടുന്ന വളിയിൽ നിന്ന് പ്രചോദനമുൾക്കൊണ്ട് നമുക്കിനിയും മെഴുകുതിരികൾ കത്തിക്കാം, രാജ്യനിർമ്മിതിയിൽ ഒരിക്കലും മായാത്ത കാല്പാട് പതിപ്പിക്കാം

ചേമ്പില

2011-01-18T12:10:00.004+04:00

ഇപ്പോള്‍ പെയ്തുകളയുമെന്ന്
ഇടക്കിടെ വന്ന്
ഭീഷണിപ്പെടുത്തി പോവുന്ന
മേഘങ്ങളെ പോലെ,

ഓര്‍മകളുടെ
പോത്തിന്‍ പറ്റങ്ങളില്‍
വെളിച്ചത്തിന്‍റെ
ഒളിച്ചുകളി;

കാറ്റിനോട് വിറയ്ക്കുമെങ്കിലും
ഒരു മഴക്കും
നനക്കാനാവാത്തത്ര
മിനുസപ്പെട്ടു പോയിട്ടുണ്ട്
ജീവിതമെന്ന്
അറിഞ്ഞുകാണില്ല,
പാവം!

പേടി

2011-01-10T14:28:00.004+04:00

മരണത്തെയല്ല,
ചില ജീവിതങ്ങളോട് മാത്രം
അതു കാണിക്കുന്ന
ഒട്ടും നിഷ്പക്ഷമല്ലാത്ത
ആര്‍ത്തിയോടാണ്‍,
ചിലതിനോടു മാത്രമുള്ള
അവഗണനയോടും.

(വീണ്ടും) ചില തൂറ്റല്‍ വ്യഥകള്‍

2010-10-01T14:13:00.001+04:00

മാന്യ പിതാശ്രീ,

ഇവിടെത്തേതു പോലെ തന്നെ അവിടേയും എല്ലാവര്‍ക്കും (പരമ) സുഖമാണെന്ന് വിശ്വസിക്കുന്നു,

ഇന്നലെ ടീവി കണ്ടിട്ടുണ്ടാവും എന്ന വിശ്വാസത്തില്‍, അധികം മുഖവരയില്ലാതെ പറയുകയാണ്‍,

400ല്‍ അധികം പഴക്കമുണ്ടെന്ന് പറയുന്ന നമ്മുടെ കക്കൂസ് നിലനില്‍ക്കുന്ന സ്ഥലത്തിന്റെ അടിയാധാരം ഒന്ന് നോക്കിയേക്കണേ, പണ്ടത്ത കാലത്ത് ഏതെങ്കിലും പുരാതന കക്കുസ് നിന്നിടത്തോ, നില നിന്നിരിക്കാന്‍ സാധ്യതയുള്ളിടത്തോ നിലനിന്നിരുന്നു എന്ന് ആരെങ്കിലും പറയുന്ന സ്ഥലത്താണോ നമ്മുടെ കക്കൂസ് എന്ന് നോക്കിയേക്കണേ,

ആണെങ്കില്‍, ഇനി പറയുന്ന കാര്യങ്ങള്‍ പ്രത്യേകം ശ്രദ്ധിക്കുമല്ലോ,

1). നമ്മുടെ കക്കുസ്, കക്കുസ് നിര്‍മ്മാണ നിയമങ്ങള്‍ അനുസരിച്ച് നിര്‍മിച്ചതാണോ എന്നും അതു പ്രകാരം അത് ഒരു കക്കുസായി പരിഗണിക്കാമോ എന്നും. അല്ലെങ്കില്‍ നമ്മുടെ കാര്യം പോക്കാണുപ്പാ, നമുക്കു തൂറാന്‍ മൂന്നിലെന്നായി കിട്ടുന്ന സ്ഥലം തികയാതെ വരികയാണെങ്കില്‍ നമ്മളെന്ത് ചെയ്യും, നമ്മെലെവിടെ തൂറും? തൂറലാണ്‍ നമ്മുടെ അടിസ്ഥാന പ്രശ്നമെന്ന് പ്രത്യേകം ഓര്‍ക്കുമല്ലോ

2) നമ്മുടെ പഴയ കക്കൂസ് നിലനിന്നിരുന്ന സ്ഥലത്ത് ഏതെങ്കിലും പഴയ കക്കുസിന്റെ മണം (ചൈതന്യം) നിലനില്‍ക്കുന്നുണ്ടോ എന്നും ഇപ്പോഴും നമ്മളല്ലാതെ ആരെങ്കിലും അവിടെ തൂറുന്നുണ്ടോ എന്നും.

3) കാലങ്ങളായി നമ്മള്‍ കക്കൂസായി വിശ്വസിച്ച് തൂറിക്കൊണ്ടിരിക്കുന്നുണ്ടെങ്കിലും, വിശാലമായി തൂറാന്‍ വേണ്ടി നമ്മുടെ ഉപ്പൂപ്പമാര്‍ തന്നെ നിര്‍മ്മിച്ചതാണെന്ന് തെളിയിക്കാന്‍ (തീട്ടമല്ലാത്ത) എന്തെങ്കിലും തെളിവ് നമുക്ക് ഹാജരാക്കാന്‍ കഴിയുമോ?, കൃത്യമായി എന്നാണവിടെ തൂറാന്‍ തുടങ്ങിയത് എന്ന് തെളിയിക്കാന്‍ കഴിയുമോ

4) നമ്മുടെ കക്കൂസിന്റെ പഴയ ക്ലൊസറ്റ് നിലനിന്നിരുന്ന സ്ഥലം, കുറച്ച് കാലങ്ങളായി നമ്മുടെ അയല്‍ക്കാരാണ് തൂറിക്കൊണ്ടിരിക്കുന്നത് എന്നതിനാല്‍, തുടര്‍ന്നും അവരെ അവിടെ തൂറുന്നതില്‍ നിന്നും തടസ്സപ്പെടുത്തരുത്.

5) നമ്മുക്കും തന്നെ, ഈ സ്ഥലത്തും ഈ കക്കുസിലും തന്നെ തൂറിയാലല്ലാതെ തീട്ടം പോകുകയില്ലാ എന്നാതിനാല്‍, ഇനിയൊരു തീരുമാനമുണ്ടാവുന്നത് വരെ തൂറാതിരിക്കുകയല്ലാതെ വേറെ വഴിയൊന്നും കാണുന്നില്ല.

6) എന്തായാലും കക്കുസ് സ്ഥലം വിഭജിക്കുമ്പോള് തൂറാന്‍ സ്ഥലം മതിയാകാതെ വരികയാണെങ്കില്‍, കക്കുസിനടുത്തു തന്നെ പഞ്ചായത്ത് ഏറ്റെടുത്ത സ്ഥലത്തു നിന്ന് ആവശ്യത്തിന്‍ സ്ഥലം നലകണമെന്ന് തീരുമാനമായതിനാല്‍ തൂ‍റല് വിശാലമായി തന്നെ നടക്കുമെന്ന് പ്രതീക്ഷിക്കാം.

7) കക്കുസ് വിഭജനത്തിന്‍ ശേഷം അതിരുകല്‍ കൃത്യമായി മതിലു കെട്ടി വേര്‍തിരിക്കാനും തൂറുന്നത് പരസ്പരം കാണാതിരിക്കാനും പ്രത്യേകം ശ്രദ്ധിക്കുമല്ലോ.

അവസാനമായി, തൂറാന്‍ മുട്ടുമ്പോള്‍ മാത്രമാണ്‍ നമ്മളൊക്കെ കക്കുസ് തിരയുന്നത് എന്നതിനാല്‍, ഇനിയെങ്കിലും തൂറുമ്പോള്‍ നിയമപരമായ എല്ലാ മുര്‍കരുതലുകളും എടുത്തതിനു ശേഷം മാത്രം തൂറാന്‍ എല്ലാവരും ശ്രദ്ധിക്കുമല്ലോ.Edit

ബുക്ക് റിപ്പബ്ലിക്കിന്റെ രണ്ടാമത് പുസ്തകം- ‘ഡില്‍ഡോ: ആറുമരണങ്ങളുടെ പള്‍പ് ഫിക്ഷന്‍ പാഠപുസ്തകം‘

2009-08-02T12:32:00.002+04:00

ബുക്ക് റിപ്പബ്ലിക്കിന്റെ രണ്ടാമത് പുസ്തകം- ‘ഡില്‍ഡോ: ആറുമരണങ്ങളുടെ പള്‍പ് ഫിക്ഷന്‍ പാഠപുസ്തകം‘ എന്ന ദേവദാസ് വി.എം. ന്റെ നോവല്‍ 8 ആഗസ്റ്റ് 2009 രാവിലെ 10 മണിക്ക് തൃശൂരില്‍ കേരളസാഹിത്യ അക്കാദമി ഹാളില്‍ നടക്കുന്ന ചടങ്ങില്‍ വെച്ച് പ്രകാശിപ്പിക്കപ്പെടുന്നു. പുസ്തകത്തിന്റെ അവതാരിക എഴുതിയിരിക്കുന്നത് മേതില്‍ രാധാകൃഷ്ണനും കവര്‍ഡിസന്‍ ചെയ്തിരിക്കുന്നത് ഉന്മേഷ് ദസ്തക്കിറുമാണ്. 65 രൂപയാണ് ഒരു കോപ്പിയുടെ വില. പുസ്തകത്തിന്റെ കോപ്പികള്‍ ഇവിടെ നിന്നും ഓര്‍ഡര്‍ ചെയ്യാവുന്നതാണ്.

ഉരുളുന്നത്

2009-06-25T16:31:00.004+04:00

5.45AM, കട്ടില്‍.
പിന്‍‌ കഴുത്തില്‍
വെയിലും വിയര്‍‌പ്പും കറുപ്പിച്ചിടത്ത്
നിന്റെ ചുണ്ടിന്റെ നനവ്

ഏത് സ്വപ്നത്തില്‍‌ നിന്നാണെങ്കിലും
ഇത്ര മൃദുലമായി
നീയുണര്‍‌ത്തുമ്പോള്‍
കോപിക്കുന്നതെങ്ങിനെ?

6.10AM, മുറ്റം.
വെയിലിനേക്കാള്‍ മുന്നേ ജനിച്ചത്
ഞാനായിരിക്കണം,
എന്റെ നിഴലിന്
വെയിലിനേക്കാള്‍ നീളം, കറുപ്പ്.

8.30AM, നിരത്ത്.
പ്രണയം
ഏറു കൊണ്ടോടുന്ന പൂച്ച,
എത്ര തവണ തിരിഞ്ഞു നോക്കണമതിന്
നിഷേധങ്ങളോട്‌ പോലും.

5.15PM, നിരത്ത്.
കുഴിയാ‍നകളേ,
നിങ്ങളുടെ അടുത്ത ജന്മം
ഞങ്ങള്‍‌ക്ക് തരണേ,
മുന്നോട്ടു തന്നെ ഓടിയോടി
കാലുകള്‍‌ക്കും
ബോറടിക്കുന്നുണ്ടാവും,
അനുസരിക്കുന്നില്ല
പഴയത് പോലെ.

6.30PM മണ്‍പാത.
പുഴയേക്കാള്‍
മടിയോടൊഴുകാറുള്ള കാറ്റേ,
ഉണര്‍ന്നില്ലേ ഇതുവരെ,
കാണുന്നില്ല.

8.40PM ഊണ്‍ മേശ.
എത്ര തിന്നാലും നിറയില്ല
കുറ്റബോധത്തിന്റെ
പെരും പള്ള,
പിന്നെയും പിന്നെയും
നീയെന്തിനിങ്ങനെ,
ഞാനെന്തിനിങ്ങനെ!

10.20PM, ഉറക്കം
ഉണരാന്‍ വേണ്ടി മാത്രമുള്ള
സര്‍‌ക്കസ്സാണെങ്കില്‍
എന്തിനെന്നാവും,
അവസാനിച്ചാലും അവസാനിക്കാത്ത
ആവര്‍‌ത്തനങ്ങളേ,
കാത്തോളണേ....

ശങ്ക

2009-05-06T15:42:00.003+04:00

കവിത എഴുതിക്കൊണ്ടിരിക്കുമ്പോഴാണ്
കാക്ക തൂറിയത്

കവിത കീറി
കാഷ്‌ഠം തുടക്കണോ
അതോ
കാക്കയെ എറിയണോ?

ഒരുളുപ്പുമില്ലാത്ത സംശയങ്ങള്‍

2009-03-14T20:44:00.006+04:00

മടിയന്മാര്‍
ചുമന്നു കൊണ്ടുപോയിരിക്കാവുന്ന
മലകളുടെ എണ്ണത്തെക്കുറിച്ച്
ഓര്‍ക്കുകയായിരുന്നു,

മലകളെ കുറിച്ച് ഓര്‍‌ക്കുമ്പോഴൊക്കെ
അച്ചുമാമന്‍
രാഷ്ട്രീയമായും നിയമപരമായും
എന്ന് പറഞ്ഞതിനേക്കാള്‍ സ്വാഭാവികമായി
മുലകളെ ഓര്‍മ്മ വരും

ഞാനാകെ നേരിട്ട് കണ്ടിട്ടുള്ളത്
നിന്റെ മുലകള്‍‌ മാത്രമാണ്
ശരിയാണ്
ആഗ്രമില്ലാഞ്ഞിട്ടല്ലായിരുന്നു
കാണിച്ചുതരേണ്ടവര്‍‌ക്ക്
ആഗ്രഹമില്ലാഞ്ഞിട്ടാവും
അല്ലെങ്കില്‍
ആഗ്രഹിക്കുന്നുണ്ടെന്ന്
അവര്‍ക്ക് അറിയാഞ്ഞിട്ടുമാവാം,

മുലകളെ ഓര്‍ക്കുമ്പോഴാണ്
മുലകള്‍ക്കിടയില്‍
നീയൊളിപ്പിച്ച് വെക്കാറുള്ള
മാല ഓര്‍മ്മവന്നത്
പുറത്ത് വരുമ്പോഴൊക്കെ
ഒരു കൊച്ചുകുട്ടിയുടെ വാശിയോടെ
നീയതിനെ
മുലകള്‍ക്കിടയില്‍ തന്നെ
തിരിച്ച് വെക്കുന്നു,

മാലയെ ഓര്‍ക്കുമ്പോഴാണ്
വല്ലപ്പോഴും മാത്രം
നീയതൂരുമ്പോള്‍ വെക്കാറുള്ള
അലമാരയുടെ
മൂലയെക്കുറിച്ചോര്‍‌ത്തത്
ആ മൂലയില്‍‌
നീയൊട്ടിച്ച് വെച്ച പടത്തിലാണ്
നമ്മളൊരുമിച്ച്
ആദ്യമായി ചിരിച്ചത്,

മല, മുല
മാല, മൂല
ഒരുളുപ്പുമില്ലാതെ
വാ‍ക്കുകളെയിങ്ങനെ
വഴിതെറ്റിച്ച് വിടുന്നതുകൊണ്ട് കൂടിയാണോ
നീയുമെന്നെ
കവീ എന്ന് കളിയാക്കുന്നത്?

അവ്യക്തമാണ് വെടിയൊച്ചകള്‍

2008-12-27T23:07:00.003+04:00

അപ്പുറത്തും
ഇപ്പുറത്തുമായി പോയവര്‍‌ക്കിടയിലെ
മഞ്ഞുപോലെ മരവിച്ച് പോയ
ഭീതികള്‍ക്കാവുമോ
നമ്മള്‍
അതിര്‍ത്തികളെന്ന് വിളിക്കുന്നത്?

ആരും ചിരിക്കാത്ത ആകാശങ്ങളേ
എല്ലാത്തിനും മുമ്പേ തന്നെ
എന്നേകൂടി കൊടുക്കുക
ചുവപ്പ് മതിവരാത്ത
നിന്റെ ദൈവങ്ങള്‍‌ക്ക്!

ഒരു വിശദീകരണം

2008-12-24T20:21:00.006+04:00

എന്റെ നോട്ടത്തില്‍

എന്തോ‍ പിശകുണ്ടെന്നാണ്

ഈയിടെയായി ഞാന്‍ നോക്കുന്ന

എല്ലാ പെണ്ണുങ്ങളും പറയുന്നത്

ഞാന്‍‌ കണ്ണട വെച്ചത് പോലും

അതുകൊണ്ടാണോയെന്ന്

ചിലപ്പോഴൊക്കെ എനിക്കും

തോന്നുകവരെ ചെയ്യുന്നു

പക്ഷേ പെണ്ണുങ്ങളേ,

മീശ വെക്കുകയും

മുണ്ട് മടക്കിയെടുക്കുകയും

മുഖത്തടിച്ച്

ഉത്തമ ഭാര്യയാക്കുകയും

ചെയ്യുന്നത് പോലെ

നോട്ടത്തിലെ ഈ പിശകും

ഞങ്ങള്‍ ആണുങ്ങളുടെ

വര്‍ഗ ലക്ഷണമാണെന്ന്

നിങ്ങള്‍‌ക്കും

അറിയാവുന്നതാണല്ലോ

എന്നാല്‍

എത്ര ശ്രമിച്ചിട്ടും മീശ വരാത്തതിനാലും

എപ്പോഴും അഴിഞ്ഞ് പോവുന്നതിനാല്‍‌

മുണ്ടെടുക്കാനാവത്തതിനാലും

അവിവാഹിതനാ‍യത് കൊണ്ട്

മുഖത്തടിച്ച് ഉത്തമയാക്കാന്‍

ഒരു ഭാര്യപോലുമില്ലാത്തതിനാലും

ആണായിരിക്കാ‍ന്‍

മലയാളിയായ എനിക്ക്

ആകെയുള്ളത്

നോട്ടത്തിലെ ഈ പിശക് മാത്രമാണ്

ആകെയാല്‍

നിങ്ങള്‍ സ്ത്രീ ജനങ്ങള്‍

എന്റെ നോട്ടത്തിലെ

ഈ വെറുമൊരു പിശകിനെ

അനാവശ്യമായി നിര്‍വചിച്ച്

കാ‍ടുകയറ്റരുതേയെന്ന്

ഇതിനാന്‍ അപേക്ഷിച്ച് കൊള്ളുന്നു.

കാപ്പിക്കറുപ്പ്*

2008-11-27T09:54:00.001+04:00

നിന്റെ മുലക്കണ്ണിന്റെ

കാപ്പിക്കറുപ്പു പോലെ

ഒരു സ്വപ്നം

പകലിന്റെ

വെയില്‍ തളര്‍ച്ചകളിലേക്ക്

സൂത്രത്തില്‍

ഒരേറ്

ഞാനെത്ര കണ്ടതാണ് പക്ഷേ

ഞെട്ടിയുണര്‍ന്ന്

ആസ്വദിച്ച് തല ചൊറിഞ്ഞ്

തിരിഞ്ഞു കിടന്ന്

കൂര്‍ക്കം വലിച്ച്

ഒരുറക്കം വച്ചുകൊടുത്തു

അല്ല പിന്നെ!

--------------------------

*ശ്രീമതിയുടെ നിഘണ്ടുവില്‍ നിന്ന്

കഥ

2008-09-28T22:52:00.003+04:00

ആകാശം നിർത്താതെ കരഞ്ഞുകൊണ്ടിരുന്ന

നനഞ്ഞൊട്ടിയ ഒരു രാത്രിയിലാണ്‌

ഉപ്പയിൽ നിന്ന്

ഞാൻ ഉമ്മയിലേക്ക്‌ വീണത്‌

ഭീകരമായ ശർദ്ദിലിന്റെ

തുടർച്ചയായ ആറാഴ്ചകൾക്ക്‌ ശേഷം

മെല്ലെ മെല്ലെ

ഉമ്മയെ ഞാൻ നിലത്ത്‌ നിർത്തിതുടങ്ങി

പിന്നെ പിന്നെ

സമയം കിട്ടുമ്പോഴൊക്കെ

വെണ്ണീറിന്റെ പുളിയുള്ള കൈകൊണ്ട്‌

ഉമ്മയെന്നെ

തഴുകാൻ തുടങ്ങി

ചിലപ്പോഴൊക്കെ

ഉപ്പയും ഉമ്മയുടെ

നീളൻ ജാക്കറ്റിനുള്ളിലൂടെ കയ്യിട്ട്‌

എന്നെ തഴുകിക്കൊണ്ടിരുന്നു

ഉമ്മയുടെ വയറ്റിലെ

ഉപ്പ സങ്കൽപ്പിച്ചുണ്ടാക്കിയ മുഴകൾ

ഞാനുണ്ടാക്കിയതാണെന്ന്

ഉപ്പ എല്ലാവരോടും പറഞ്ഞുനടന്നത്‌

ആ കാലത്താണ്‌

ബോറടിക്കുമ്പോഴൊക്കെ

ഞാൻ കരണം മറിയുകയും

തലകുത്തി നിൽക്കുകയും

ചിലപ്പോഴൊക്കെ

ഒരു സർക്കസ്‌ അഭ്യാസിയെപ്പോലെ

ഒറ്റക്കാലിൽ തിരിയുകയും ചെയ്തു

തിരിഞ്ഞുകിടക്കുന്നത്‌

എനിക്കിഷ്ടമല്ലായിരുന്നു

കൈ തലക്കടിയിൽ വെച്ച്‌

ഉമ്മ ചരിഞ്ഞുകിടക്കുമ്പോഴൊക്കെ

ശക്തമായി തൊഴിച്ചോ അടിച്ചോ

ഞാനുമ്മയെ മലർത്തിക്കിടത്തി

എന്റെ കാലും കയ്യും

എന്നെ കൂടുതൽ അനുസരിക്കാൻ തുടങ്ങിയതോടെ

നിരന്തരമായി

ഞാനുമ്മയെ അക്രമിച്ചുകൊണ്ടിരുന്നു

ഒടുവിൽ

മഴതുടങ്ങുന്നകാലത്ത്‌

കൂട്ടത്തോടെ മാത്രം വരാറുള്ള

മേലേതൊടിയിലെ പട്ടികൾ

നിർത്താതെ കൂവികൊണ്ടിരുന്ന ഒരു രാത്രിയിൽ

ഉമ്മയെന്നെ

ലീലാമ്മയുടെ കയ്യിലേക്കിട്ടു

അന്നുമുതലാണ്‌

ഞാനെന്നും പറയാറുള്ളതുപോലെ

ഞാനാരുടേതുമല്ലാതായിത്തീർന്നത്‌

എന്നിട്ടും കരയാൻ കൂട്ടാകാതിരുന്ന എന്നെ

കരയിക്കാൻ വേണ്ടി മാത്രം

ഉപ്പ നുള്ളിയ പാണ്ടാണ്‌

നീയിന്നലക്കണ്ട

ഇടത്തേ തുടയിലെ കറുത്ത പാട്‌.

കത്തിൽ നിന്ന്

2008-07-24T20:48:00.006+04:00

ചുമരിനോട്
ചേർ‌ത്ത് നിർ‌ത്തി
കൈകളൊതുക്കി പിടിച്ച്
കണ്ണടക്കാനയക്കാതെ
നീയെന്റെ ചുണ്ടുകളെടുക്കുന്നു
എല്ലായുറക്കത്തിലും

നിന്നെ
ഫ്രഞ്ച് കിസ്സിങ്ങ് പഠിപ്പിച്ച
ഫിലിപ്പീനി പെണ്ണിന്
എന്റെ വക
ഒരുമ്മ കൊടുക്കുക.

```````````````````````````````````

നനവിന്റെ മണത്തെ

മറന്നിട്ടുണ്ടാവുമോ

മഴയും!

നീയും മഴയും

ഒരേ അർത്ഥം വരുന്ന

രണ്ട് വാക്കുകളാണ്,

കാത്തിരിപ്പിന്റെ വേനലുകളോട്

നിങ്ങൾ‌ക്കെപ്പോഴും

പരിഹാസമാണ്.

```````````````````````````````

എന്ത് പറയുന്നു

നിന്റെ വേനലുകൾ, വെയിലുകൾ

നിന്റെ ചൂടിലല്ലാതെ

എനിക്കൊരിക്കലും

വിയർ‌ക്കാനേ കഴിയില്ലെന്ന്

വാശിപിടിക്കുന്നുണ്ടോ ഇപ്പോഴും,

വെയിലിനോട്.

What we deserve

2008-07-22T18:54:00.002+04:00

"Democracy is a device that insures we shall be governed no better than we deserve."

George Bernard Shaw

Black week കരിവാരം

2008-06-09T22:50:00.002+04:00

Joining hands with injipennu against the black world of kerals.com. Requesting all of you to join this protest.

other blogs joined in the protest

1.Raj Neetiyath2.One Swallow 3.Vellezhuthth4.Visalamanaskan5.Choottazhi6.guptham7.ithentha8.Salini9.Kumar10.anchalkkaran11.Najoos12.Wakkarimashta13.Idival14.Bindu15.Pachalam16.Njan17.Sree18.Siju19.Beerankutti20.Reshma21.Moorthy22.Saramgi23.Sebin Jacob24.Sreevallabhan25.Anamgari26.Sankuchithan27.Yarid28.Sundaran29.Devan30. Sapthavarnangal31.Venu32.Shiju33.Vavachi34.Mayoora35.Pulli36.Anilan37.Kannuran38.G. Manu39.Thamanu40.Shefi41.Tharavadi & Valyammayi42.Sakshi43.Ziya44.Kunjans45.Nazeer46.Cheedappi47.Kuttenmenon48.Anony Antony49.Prasanth Kalathil50.Keralafarmer51.Dasthakir52.Kinav53.Nishkalankan54.Asha55.Latheesh Mohan56.P.R57.Sidarthan58.Bhumiputhri59.Kala60.Agrajan61.Sharu62.Chintha

News1.e-pathram
courtesy: Daly (http://kalluslate.blogspot.com/2008/06/black-week-against-black-world.html)

Content theft by Kerals.com

2008-05-31T10:10:00.003+04:00

I join the bloggers in their protest against content theft by kerals.com

ബെയ്‌ബ്

2008-05-29T19:55:00.007+04:00

ബെയ്‌ബെപ്പോഴും
പ്രകൃതിയെ വരച്ചുകൊണ്ടിരിക്കും

രണ്ട് കുന്നുകള്‍‌ക്കിടയിലൂടെ
കടും മഞ്ഞ നിറത്തിലോ
ചുവപ്പിലോ
സൂര്യന്‍‌ ചിരിച്ച് കൊണ്ട് നി‌ല്‍‌ക്കും,

ആകാശം
സുന്ദരന്‍ നീല നിറത്തില്‍‌
നിരനിരയായി
കിളികളെ പറത്തിക്കൊണ്ടിരിക്കും,

കുന്നുകള്‍‌ക്കു താഴെ
എവിടേക്ക് ഒഴുകണമെന്നറിയാത്ത പുഴ
ആകാശത്തിന്റെ നിഴലില്‍
നീലനിറഞ്ഞ് നില്‍ക്കും,

ഒത്ത നടുവില്‍
ഉമ്മ പൊരിക്കുന്ന
നടു വരഞ്ഞ അയിലയെ ഓര്‍മിപ്പിക്കുന്ന
തോണിയും തോണിക്കാരനും,

കരയുടെ ഏതെങ്കിലും മൂലയില്‍ നിന്ന്
ഒരു തെങ്ങ്
വളഞ്ഞ് ചെന്ന്
ആകാശത്തെ തൊടും,

മഞ്ഞ വൈക്കോല്‍ മേഞ്ഞ
കൂരക്ക് പിറകില്‍
ഒരാലോ മാവോ
തത്തമ്മപ്പച്ചയാകും,....

കര നിറയെ
പച്ച നിറച്ച്
ബെയ്‌ബ്
അടുത്ത ചിത്രം വരക്കാന്‍‌ തുടങ്ങും.

------

ബെയ്‌ബിപ്പോള്‍
സുഹൈബാണ്,

കടലാസിനും
കല്ലുസ്ലേറ്റിനും പകരം
അവനിപ്പോള്‍‌ ചിത്രം വരക്കുന്നത്
കമ്പ്യൂട്ടറിലാണ്

അവന്‍ വരച്ച
പുതിയ പ്രകൃതി
ഇന്നെലെയാണ് കണ്ടത്

കുന്നുകള്‍‌ക്ക് പകരം
രണ്ട് കൂറ്റന്‍ കെട്ടിടങ്ങള്‍
ആകാശത്തേയും
സൂര്യനേയും മറച്ചു നില്‍‌ക്കുന്നു,

കിളികള്‍‌ക്ക് കൊടുത്തിരുന്ന
പുക കറുത്ത ആകാശത്ത്
ഒരു ചുവപ്പന്‍ വിമാനം
ഞെളിഞ്ഞ് പറക്കുന്നു,

പുഴ ഒഴുകിയിരുന്നിടത്ത്
ആകൃതി കൃത്യമല്ലാത്ത
തണുത്ത നീല നിറത്തില്‍
സ്വിമ്മിങ്ങ് പൂള്‍

കാല് മുഴുവന്‍ കാണിച്ചുകൊണ്ട്
ഒരു മദാമ്മ
പൂളില്‍‌ നിന്ന്
എവിടേക്കോ കേറിപോകുന്നു,

തെങ്ങുകള്‍‌ ആകാ‍ശത്തെ
വളഞ്ഞ് നോക്കിയിരുന്നിടത്ത്
മഞ്ഞവെളിച്ചവുമായി
ഇലക്ട്രിക് പോസ്റ്റുകള്‍,...

അവനിപ്പോള്‍
പച്ച നിറം
ആവശ്യം വരാറേയില്ല,

അവനത്
ഇഷ്ടവുമല്ല!!!

ഹിരാകിരി*

2008-05-10T11:41:00.006+04:00

ഹിരാകിരിക്ക്‌
നീയെന്റെ
ആദ്യത്തെ അധ്യാപികയായത്‌*
യാദൃശ്ചികതയായിരിക്കില്ല

വരികളില്‍
നീയന്നേ ഒളിപ്പിച്ചിരുന്നിരിക്കണം
ചിരിയോടെ തന്നെ
ഒരു കോമാളിയെ

വാക്കുകളില്‍
ജീവിതം നിറച്ചവരുടെ ശൂന്യതയെ
നികത്താനേയാവുന്നില്ല
വാക്കുകള്‍ക്ക്‌ പോലും !

കുറിപ്പികള്‍.
1. ഒറ്റപ്പാലം കോളേജില്‍ എന്റെ സീനിയറും കവയത്രിയുമായിരുന്ന ഷംന ആത്മഹത്യ ചെയ്തു. സാഹിത്യത്തില്‍, പ്രത്യേകിച്ചും കവിതയില്‍ പ്രേത്യക അഭിനിവേശമുണ്ടായിരുന്നു ഷംനക്ക്. ഞങ്ങളുടെയൊക്കെ, പ്രത്യേകിച്ചും ആഗലേയ സാഹിത്യ വിദ്യാര്‍ഥികളുടെ അടുത്ത സുഹൃത്തായിരുന്നു ഷംന.

2. ‘ഹിരാകിരി‘ എന്ന ആത്മഹത്യാ രീതിയെകുറിച്ച് ഞാനാദ്യമറിഞ്ഞത് കോളേജ് മാഗസിനില്‍ പ്രസിദ്ദീകരിച്ച ഷംനയുടെ കവിതയില്‍ നിന്നാണ്.

ഇപ്പോള്‍

2008-05-01T20:06:00.003+04:00

നിന്നെ വായിക്കുന്നു,

ചിരിക്കുമ്പോള്‍
കണ്ണിനെ ഒളിപ്പിക്കുന്ന
സംസാരിക്കുമ്പോള്‍‌ ‍
ചിലങ്ക പോലെ ഒച്ചപ്പെടുന്ന
ചുണ്ടമര്‍‌ത്തി ചുമ്പിക്കുമ്പോള്‍‌
‍കറന്റ് പോലെ തരിപ്പിക്കുന്ന
നിന്നെ വായിക്കുന്നു,

ഉടലിന് നീന്റെ ചൂര്
നഗ്നമാവുമ്പോള്‍‌
നിനക്ക് മാത്രം വരുന്ന
ഇളം നീല നിറം
പിന്‍ കഴുത്തിന് താഴെ
വരണ്ട ദ്വീപു പോലെ
വലിയ മറുക്

നിന്നെ വായിക്കുന്നു
നിന്റെ ഉടലിലെന്ന പോലെ
ഓരോ വാക്കുകളിലും
അമര്‍‌ത്തി ഉമ്മവെക്കുന്നു
പുക്കിളില്‍ വിരല്‍ കുടുക്കി
ഇക്കിളിപ്പെടുത്തുന്നു
തുടയിലെ
കറുത്ത പുള്ളി നുള്ളുന്നു

നിന്നെ വായിക്കുന്നു,
നിന്നില്‍ എന്നെ നിറക്കുന്നു
നിന്റെ ചൂടില്‍
ഞാനാകെ പൊള്ളുന്നു
കത്തുന്നു...

മണത്ത് നോക്കുക
ഇപ്പോള്‍
എന്റെ വിയര്‍പ്പിന്
നിന്റെ ഉടലിന്റെ മണമാണ്!

മൂന്ന് ദൈവദോഷങ്ങള്‍

2008-01-15T18:51:00.000+04:00

1.
ദൈവത്തോട് വഴക്കിട്ട്
ആകാശത്ത് നിന്ന്
ഭൂമിയിലേക്കിറങ്ങി പോന്ന
നക്ഷത്രങ്ങളാവണം
ഈ പൂക്കളൊക്കെ

പൂക്കള്‍‌ക്കെന്നല്ല
ദൈവത്തോടടുത്തു നില്‍‌ക്കുന്ന ആരും
അധികകാലം സഹിച്ചെന്ന് വരില്ല
നിശ്ചലമായ ആ അനന്തതയെ!

2.
എന്റെ ദൈവത്തിന്
എന്നേക്കാള്‍‌ പ്രായം കുറവാണ്
എന്റെ നിഴലെന്ന പോലെ
അതെന്നെ അനുസരിക്കുന്നു,

കുറച്ചുകൂടി കഴിയട്ടെ
ഒരിക്കല്‍ ദൈവത്തിനും
തിരിച്ചൊരവസരം കൊടുക്കണം
എന്നെ അനുസരിപ്പിക്കാന്‍!

3.
എല്ലാവരും ദൈവത്തെ വിളിച്ചു
ഞാനും വിളിച്ചു
മറ്റാരേയും വിളിക്കാനില്ലാത്തതിനാല്‍‌
ചിലപ്പോഴൊക്കെ ദൈവം
വിളി കേള്‍‌ക്കുന്നുണ്ടാവണം

എന്നാലും
എല്ലാ ദൈവങ്ങള്‍‌ക്കും വേണം
സങ്കടങ്ങള്‍‌ക്ക് വിളിക്കാന്‍
മുകളിലൊരു ദൈവം

ദൈവമേ...

കൂറ

2008-01-01T19:37:00.000+04:00

കുട്ടിക്കാലത്തേ
കൂറകളെ പേടിയായിരുന്നെനിക്ക്;

മഴക്കാലങ്ങളില്‍
കുളിമുറിയുടെ ചുമരിലെ
കൂറകളെ പേടിച്ച്
കുളിക്കാറേയില്ലായിരിന്നു
ഞാന്‍;

നെല്ലൊഴിഞ്ഞ
പത്തായത്തില്‍ നിന്ന്
കൂറകളെപ്പിടിച്ച്
മേലേക്കെറിഞ്ഞ്
എപ്പൊഴുമെന്നെ പേടിപ്പിക്കുമായിരുന്നു
അനിയന്‍;

ഞാന്‍
ശാസ്‌ത്രത്തിന് പകരം
ഇഗ്ലീഷ് സാഹിത്യം പഠിച്ചത്‌ പോലും
കൂറയെ പേടിച്ചാണെന്ന്‌
കണ്ടുപിടിച്ചു കളഞ്ഞു
കാമുകി;

ഇപ്പോഴും‌
വയസ്സന്‍‌ അലമാരയിലെ
ഉപയോഗിക്കാത്ത തുണികള്‍‌ക്കിടയില്‍‌ നിന്നോ
വീണ്ടും വായിക്കാനെടുക്കുന്ന
പുസ്തങ്ങള്‍‌ക്കിടയില്‍‌ നിന്നോ
ചാടിവീണ്
എന്നെ പേടിപ്പിക്കുന്നു
കൂറകള്‍‌!.

ആരാണ്
എല്ലാം മായ്‌ക്കുന്ന
മഷിത്തണ്ടാണ്‌
കാലമെന്ന്
ആയു‌സ്സിന്റെ നുണപറയുന്നത്?

വിപ്ലവം.

2007-12-15T09:16:00.000+04:00

എന്നിട്ട്,
എല്ലാവരേയും പോലെ
ഞാനും
നിന്റെ കയ്യില്‍ തൊടും,

വിറയലോടെ
മാറോട് ചേര്‍ത്ത്
നെറ്റിയിലുമ്മ വെക്കും,

അലസമായി
മുന്നില്ലേക്ക് തൂങ്ങിയ
മുടിത്തലപ്പുകളെ മുഴുവന്‍‌
തടവിയൊതുക്കും,

എന്തിനിത്ര നാണമെന്ന്
ഒന്നുമറിയാത്ത മട്ടില്‍
പരിഭവിക്കും,

നിന്റെ മെയ്യിന്റെ ചൂടില്‍
ഞാനാകെ വിയര്‍‌ക്കും,

‘യ്യോ,
സമയമെത്രയായി,
നീ ചോറെടുത്ത് വെക്ക്,
എനിക്ക് വിശക്കുന്നു’.

വായനക്കാരീ....

2007-10-13T22:43:00.000+04:00

തെറ്റായി എഴുതപ്പെട്ടതിനാലോ
ശരിയായിരുന്നിട്ടും
ഘടനയുടെ വക്രതയാല്‍‌
അവ്യക്തമാക്കപ്പെട്ടതിനാലോ
നിരന്തരം തെറ്റിവായിക്കപ്പെട്ട
കവിതയാണ് ഞാന്‍‌,

എന്നെതന്നെ ആവര്‍‌ത്തിച്ചു വായിച്ച്
എന്റെ തെറ്റുകളെ തന്നെ
പിന്നെയും പിന്നെയും തിരുത്തി
നിനക്കും മടുക്കുന്നുണ്ടാവും,

ആകയാല്‍
പ്രിയ വായനക്കാരീ,

നിന്നുതിരിയാന്‍‌ സമയമുള്ള
ഏതെങ്കിലുമൊരു വൈകുന്നേരത്ത്
അടുക്കളയിലോ
എച്ചില്‍‌മാത്രം ബാക്കിയാവുന്ന
തീന്‍‌മേശപ്പുറത്തോ വെച്ച്
ഒരിക്കല്‍‌കൂടി തിരുത്തി നോക്കാതെ
എന്നെയങ്ങ് വെട്ടിക്കളഞ്ഞേക്കുക,

പക്ഷേ,
വെണ്ണീറും സോപ്പും പുളിക്കുന്ന
ഇടത്തേ കൈകൊണ്ട് മാത്രം
നീയെന്നെ വെട്ടിക്കളയുക;

എന്തെന്നാല്‍,
ആരുംകാണാതെ ചത്ത് പോകുന്ന
എന്റെ മുഴുവന്‍‌ വാക്കുകള്‍‌ക്കും
ഏറ്റവും കടപ്പാടുണ്ടാവുക
നനവു മാറിയിട്ടേയില്ലാത്ത
നിന്റെയാ കയ്യിനോട് തന്നെയാവും!

അഗ്നിബാധ....

2007-10-04T21:32:00.000+04:00

''തീ പിടിക്കുന്ന പോലെ തീ പിടിപ്പിക്കാന്‍‌ ഉപയോഗിച്ച കമ്പോ കൊള്ളിയോ കത്തിത്തീര്‍‌ന്നാലും തീ പിന്നെയും പടര്‍‌ന്ന് കൊണ്ടിരിക്കും. ഈ പറയുന്ന ചിന്തയുടെ അഗ്നിബാധയില്‍‌ ആത്മനാശത്തിന്റെ ഒരംശമുണ്ട്. അതിന്റെ അര്‍‌ഥം നിങ്ങള്‍‌ മറ്റുള്ളവരില്‍‌ പടരുന്നുവെന്നോ സ്വയം ഇല്ലാതായിത്തീര്‍‌‍‌ന്നിട്ട് മറ്റുള്ളവരില്‍‌ ജീവിക്കുന്നുവെന്നോ ആണ്'' (വിജയന്‍‌ മാഷ്)

ആദരാഞ്ജലികള്‍.....

ഇടവഴി

2007-09-27T13:09:00.000+04:00

ഒരേ കാലുകളെ
ഒരുപാട് കാലം സഹിച്ച്
മടുത്തു മടുത്ത്
പെട്ടെന്നൊരു ദിവസം
പെരുമഴയോടൊപ്പം
ഇറങ്ങിയൊലിച്ച് പോയതാവണം
പാവം ഇടവഴി;

അല്ലാതെ,
ആരോ പറഞ്ഞ പോലെ
ഇരുട്ട് കാട്ടി പ്രലോഭിപ്പിച്ച്
ഒരു പാവം കുട്ടിയെ
ഒലിപ്പിച്ച് കൊണ്ടു‌പോകാനൊന്നുമാവില്ല
ഒരിക്കലുമതിന്.

അല്ലെങ്കില്‍ തന്നെ
സ്വയം പൊട്ടിത്തെറിക്കാതെ
ചവിട്ടുകളുടെ ആവര്‍‌ത്തനത്തെ
എത്രകാലം സഹിക്കും
വെറുമൊരിടവഴി?...

പെയ്യുന്നത്.......

2007-09-26T12:27:00.000+04:00

നിലവിളികളുടെ ഒരാകാശം

മഴയെന്ന വ്യാജേനെ

മണ്ണിലേക്ക് പൊട്ടിവീണു,

കണ്ണീരു കേട്ട്
കാതു തഴമ്പിച്ച ഭൂമി
ഒന്നിലേക്കും തുറക്കാതെ

അടഞ്ഞിരുന്നു,

ആര്‍‌ക്കും വേണ്ടാതായപ്പോള്‍‌

‍ പെയ്തതിനെ മുഴുവന്
പുഴ കുടിച്ചു,

പുഴയില്‍ നിന്ന്

കളഞ്ഞു കിട്ടിയതിനെ ചൊല്ലി
കടല്‍ ‍കരയോട്
തിരതല്ലി ത൪ക്കിച്ചു,

എല്ലാം കണ്ടിട്ടും

ഒന്നുമറിയാത്തവനെ
സൂര്യന്‍‌
മഞ്ഞപ്പല്ല് കാട്ടി ചിരിച്ചു....

കവിതയാക്കുന്നത്

2007-07-04T18:40:00.000+04:00

ഭൂപടങ്ങള്‍
ഇപ്പോഴും
നുണ പറഞ്ഞുകൊണ്ടേയിരിക്കുന്നു,

വികസിച്ചും
വിഘടിച്ചും
വിപ്ലവപ്പെട്ടും
ചിത്രത്തിലും
ചരിത്രത്തിലും എത്തപ്പെട്ടവരില്‍
അപ്പോഴും
ഞങ്ങളാരും പെട്ടില്ല,

കണക്കുകളോ
കടലാസുകളിലെ സഹതാപങ്ങളോ
ഞങ്ങളുടെ നഷ്ടങ്ങളെ
ഒറ്റത്തവണ പോലും
ഞങ്ങള്‍ക്ക്‌ തിരിച്ചുതന്നില്ല,

നഷ്ടപ്പെട്ടുവെന്ന്
ഉറക്കെ ഒച്ചക്കാന്‍
ഞങ്ങള്‍‌ കരുതി വെച്ചിരുന്ന
ഞങ്ങളുടെ വാക്കുകള്‍‌ കൂടി
ഇപ്പോള്‍
ഞങ്ങളെ ഉപേക്ഷിച്ചിരിക്കുന്നു;

എന്നിട്ടും
ഞാന്‍
എന്റേതല്ലാതാവുകയും
എന്റെ വീട്‌
എന്നെ പുറത്താക്കുകയും
എന്റ രാജ്യം
ഭൂപടങ്ങളില്‍ മാത്രം
ബാക്കിയാവുകയും ചെയ്യുമെന്ന്
എത്ര ലാഘവത്തോടെ
നിങ്ങള്‍ കവിതയാക്കുന്നു!

മൂന്ന് നുണക്കവിതകള്‍

2007-05-09T09:45:00.000+04:00

ജാമ്യം

സമയത്തിനോട്‌
നിഴലുകള്‍ക്കെന്നെ പോലെ
വാക്കുകളോട്‌
പേനകള്‍ക്ക്‌ പോലും കാണും
മുന്‍വിധികള്‍,

അല്ലെങ്കിലെന്തിനാണ്‌
എങ്ങിനെ എഴുതിയാലും
എന്റെ കവിതകളൊക്കെയും
എന്നെക്കുറിച്ചു തന്നെയുള്ള
നുണകളാവുന്നത്‌?

സത്യം

എല്ലാ നുണകളും
സത്യത്തേയും സ്വര്‍ഗത്തേയും കുറിച്ചാണെന്നാണ്‌
പുസ്തകങ്ങളിലെ ദൈവങ്ങള്‍ പറഞ്ഞത്,

അങ്ങിനെയെങ്കില്‍‌
‍സത്യമാവാന്‍ വിസമ്മതിച്ച
നുണകള്‍ക്ക്‌ വേണ്ടിയാണോ
നരകമുണ്ടായതെന്ന്
ആരും ചോദിച്ചില്ല,
ഞാനും!

ദൂരം

ദൂരം
പകലിനൊപ്പം ചുവക്കുന്ന
മുള്ളുള്ള നുണയാണ്‌,
ചില്ലിലൂടെ വന്ന് കണ്ണില്‍ കുത്തും,

എന്നാലോ
ഒരുറക്കത്തിന്റെ മാത്രം സുതാര്യതയില്‍
നിന്നിലേക്കെന്നെയും
എന്നിലേക്ക്‌ നിന്നെയും
എത്ര വേഗത്തിലാണത്‌
തന്ന് പോവുന്നത്‌.

ജലദോഷം വരുന്നത്

2007-04-07T13:00:00.000+04:00

ആശുപത്രിയില്‍ ജനിച്ചത് കൊണ്ടാവണം
എനിക്കെപ്പോഴും
മരുന്നുകളുടെ മണമാണെന്നാണ്
സഹമുറിയന്‍ പറയുന്നത്,

ഉമ്മവെച്ച്
ഒന്നും മിണ്ടാതെ പോയ പെണ്ണ്
കാരണസഹിതം എഴുതി
"നിന്നെ കര്‍പ്പൂരം മണക്കുന്നു
എനിക്ക് പേടിയാകുന്നു",

കവിതയെന്ന് കേട്ടപാടെ
കെട്ടിപ്പിടിച്ച് ശ്വാസം മുട്ടിച്ച
ഫ്രഞ്ചുകാരി മദാമ്മയും പറഞ്ഞു
"നിനക്ക്
നനഞ്ഞ മണ്ണിന്റെ മണമാണ്"

പലരുംപലതെന്ന് പറഞ്ഞ്
സഹികെട്ടാണൊടുവില്‍‌
‍ഞാനുംഎന്നെ മണത്ത് തുടങ്ങിയത്

അങ്ങനെയാണ്
എനിക്കീ
വിട്ടുമാറാത്ത ജലദോഷം തുടങ്ങിയത്

കാരണം.

2007-04-05T19:12:00.000+04:00

ഉറങ്ങുമ്പോഴാണ്
പുഴ വന്ന് വിളിച്ചത്
“ആത്മഹത്യ ചെയ്യാന്‍ പോകുന്നു,
കാമുകനായതിനാല്‍
കൂടെ മരിക്കേണ്ടത്
നിന്റെ ബാധ്യതയാ‍ണ്”

ഞാന്‍ പറഞ്ഞു
“എത്രകാലമായി നീ കടലില്‍ ചാടുന്നു,
നിന്റെ മരണത്തിന് നീളം കൂടുതലാണ്”
ഞാന്‍ തിരിഞ്ഞുകിടന്നുറങ്ങി,
ആകാശത്തെയുമ്മ വെക്കുന്ന
കെട്ടിടങ്ങളെ സ്വപനം കണ്ടു

രാവിലെ എഴുന്നേറ്റപ്പോഴുണ്ട്
പുഴ മരിച്ചു കിടക്കുന്നു,
വെറും മണലിലിരുന്നു
കുട്ടികള്‍ ക്രിക്കറ്റ് കളിക്കുന്നു

പുഴയുടെ ചിതാഭസ്മം
ഏത് പുഴയിലൊഴുക്കു മെന്നൊന്നുമല്ല
ഞാനപ്പോള്‍ ആലോചിച്ചത്,
കാമുകി മരിച്ചാല്‍ കാമുകനും
കാമുകന്‍ മരിച്ചാല്‍ കാമുകിയും
മരിക്കണമെന്നാണല്ലോ നിയമം

റേഷന്‍ ബുക്കിലോ
പഴയ പ്രേമലേഖനത്തിലോ
മരണക്കുറിപ്പെഴുതി
പുഴയില്‍ തന്നെ ചാടി
ആത്മഹത്യ ചെയ്യണം

കുറിപ്പെഴുതി വന്നപ്പോഴാണ്
ചാടാനിനി പുഴയില്ലെന്നോര്‍‌ത്തത്,
ആത്മഹത്യ ചെയ്തോ
കൊലചെയ്യപ്പെട്ടോ
പുഴകളൊക്കെ അവസാനിച്ചിരുന്നു

''എന്റെ കാമുകീ
ചാടാനൊരു പുഴയില്ലാത്തതിനാല്‍‌
ഞാനെന്റെ ത്യാഗത്തെ
തല്‍‌ക്കാ‍ലത്തേക്ക് മറ്റിവെക്കുന്നു,
നീയെന്നോട് പെറുക്കുക''.

വാക്ക് കൊണ്ട് വരക്കാനാവാത്തത്

2007-03-26T11:19:00.000+04:00

പ്രണയമേ,
ഞാനും രക്ഷസാക്ഷി
എനിക്കും പണിയുക
മാര്‍ബിള്‍ കല്ലറ.

പ്രണയമേ,
..................
see more in booloka kavitha

ഉമ്മാക്കഥകള്‍..

2007-01-30T12:18:00.000+04:00

1.
ബദ്‌രീങ്ങളും
മമ്പുറത്തെ തങ്ങളും
‘റബ്ബുല്‍ ആലമീനും’
ഒറ്റച്ചരടിലാക്കി
കയ്യില്‍ കെട്ടിയാണ്
എന്നെയുമ്മ വിട്ടത്,
എന്നിട്ടും ....

2.
ഉമ്മയെ
ഉമ്മവെച്ചുമ്മവെച്ചാണ്
എന്റെ ചുണ്ടും മൂക്കും
അമര്‍ന്ന് പോയതെന്ന് സുഹൃത്ത്,
അവനിപ്പോള്‍ തൊപ്പിയിട്ട് നടക്കുന്നു.

3.
നാല്‍പ്പത് വര്‍ഷം
പച്ചമഞ്ഞളിട്ടിട്ടും മാഞ്ഞില്ല
ഉമ്മയുടെ മുഖത്തെ പാത്രക്കരി,
ആണുങ്ങളെന്തേ ഉമ്മമാരാകാത്തതെന്ന്
അനിയന് സംശയം.

4.
ഏഴാം പേറിന്
ആശുപത്രിയില്‍ ചെന്നപ്പോള്‍
അയലത്തെ കദീജുമ്മ പറഞ്ഞു
‘ശരളേടെ കയ്യോണ്ടല്ലേ
ഇനിക്കിനിയും പെറണം’

‌‌‌‌

എഴുതാനാവാത്ത പേജുകള്‍

2006-12-25T19:07:00.000+04:00

ഒന്നും എഴുതാതെ കിടക്കുന്ന
ചില പേജുകളുണ്ട്
എന്റെ ഡയറിയില്‍

ഇലമുളച്ചിയോ
മയില്‍‌പീലി തുണ്ടോ
പെറാന്‍ വെച്ചിട്ടില്ല
ഞാനവയില്‍

പേന പിണങ്ങി
കുത്തി വരച്ചപ്പഴോ
മഴ കൊണ്ട്
കരിമ്പനടിച്ചപ്പഴോ
വീണിട്ടില്ലവയില്‍
ഒരു വരപോലും

ഇതുമാത്രമെന്തേ
ശൂന്യമെന്ന്
സുഹൃത്ത് ചോദിക്കുന്നു

അവനറിയാത്ത പോലെ
ചില പേജുകളില്‍
ഒന്നും എഴുതാനാവില്ലെന്ന്

മരം പെയ്യാന്‍

2006-12-14T09:48:00.000+04:00

പെയ്തിട്ടുണ്ടാകുമോ
എന്നെങ്കിലുമൊരു മഴ
തോരാന്‍ വേണ്ടിയല്ലാതെ?

ചാറിത്തുടങ്ങി
മണ്ണിനെയുമ്മവെച്ച്
മഴമണം കൊടുക്കുമ്പോഴേ
പറഞ്ഞിട്ടുണ്ടാവുമോ
ഏതെങ്കിലുമൊരു തുള്ളി
നാളെയുമുണ്ടാവില്ലെന്ന്

കുടയിലെ കൂട്ടാവാന്‍
ഇറവെള്ളത്തിലെ തോണിയാവാന്‍
കുളത്തിലെ തവളപ്പാട്ടാവാന്‍
ഒരൂത്താലായ് പോലും
ഇനിയൊരിക്കലും പെയ്യില്ലെന്ന്
തോരും മുമ്പേ
സൂചിപ്പിച്ചിട്ടുണ്ടാകുമോ
ഏതെങ്കിമൊലൊരു മഴ.

മരിച്ചവരുടെ ഓര്‍മ്മപുസ്തകം

2006-11-20T11:13:00.000+04:00

മരിച്ചവരുടെ ഓര്‍മ്മപുസ്തകത്തിലേക്ക്
ഞാനിന്നലെ എത്തിനൊക്കി
അവരറിയാതെ,

നക്ഷത്രങ്ങളും
ഓറഞ്ച്മരങ്ങളും
അക്ഷരങ്ങള്‍ക്കിടയില്‍ നിന്ന്
എന്നെ നോക്കി ചിരിച്ചു,

അവയെപോലെ ചിരിക്കാന്‍ വേണ്ടി
ഞാന്‍ കണ്ണാടിയെടുത്തു,

അങ്ങനെയാണ്
ജീവിതത്തിലാദ്യമായി
ഞാനിന്നലെ
കണ്ണാടിയോട് പിണങ്ങിയത്.

മറുക്

2006-10-28T21:52:00.000+04:00

എന്റെ മുഖത്തെ മറുക്
ജനന സമയത്ത്
ചെകുത്താന്‍ തൊണ്ടിയതാണെന്നാണ്
ഉമ്മ പറയുന്നത്,

ശരിയായിരിക്കണം;
പിറക്കാന്‍ പൊകുന്നവന്റെ ഗതികേടിനൊട്
ചെകുത്താന്‍
വിരല്‍‌വെച്ച് സഹതപിച്ചതാവണം
എന്റെ മുഖത്തെ മറുക്.

വികസിച്ചര്‍ക്ക് പറയാനുള്ളത്

2006-10-05T12:45:00.000+04:00

ഞ‌ങ്ങള്‍ ആദിവാസികള്‍,
നിങ്ങളുടെ സദാചാര നിഘണ്ടുവിലെ
ഏറ്റവുമാദ്യത്തെ തെറി,

തുരുന്‌‍പു പിടിച്ച നിങ്ങളുടെ നിയമങ്ങള്‍ക്
കൈ വിറക്കാതെ ഉന്നം നൊക്കാന്‍
പിടയ്കുന്ന പരീക്ഷണ വസ്തു,

ഒഴിവുനേരങ്ങളിലെ
വര്‍ഗ്ഗവിപ്ലവ ചൊറിക്ക്
അനുയൊജ്യമായ അടിക്കുറിപ്പ്.

നിങ്ങള്‍ക് പ്രബന്ധമെഴുതാന്‍
ഞങ്ങളച്ചനില്ലാതെ പെറ്റത്
നിങ്ങളുടെ ചൊരയിലാണ്,

ഞങ്ങളുടെ പെങ്ങന്മാര്‍
അടുപ്പിലടക്കപ്പെട്ടത്
നിങ്ങളുടെ കൈകൊണ്ടാണ്,

ഞങ്ങളുടെ പെണ്ണുങ്ങള്‍,
തൂങ്ങാന്‍ പടിച്ചത്
നിങ്ങള്‍ വന്നതിന് ശേഷമാണ്,

ഞങ്ങളുടെ മണ്ണ് ചത്തത്
നിങ്ങളുടെ ലഹരിയിലാണ്,
ഞങ്ങളുടെ മരങ്ങള്‍ വീണത്
നിങ്ങളുടെ വികസനത്തിലാണ്,

വേണ്ട,
സഹതാപത്തിന്റെ കട്ടിച്ചില്ല്‌ വെച്ച്
ഞങ്ങളെയിനിയും നൊക്കണ്ട,
വികസനങ്ങളുടെ
കൊണ്‍ക്രീറ്റ് തണല്‍
ഞങ്ങള്‍ക്കിനി വേണ്ട;

ഞങ്ങള്‍ക് ചാവാന്‍
നിങ്ങള്‍ തന്ന പട്ടിണിയുണ്ട്,
കുഴിമാടങ്ങള്‍ക്
തീകാണാത്ത അടുപ്പും.

ഒച്ചകള്‍ (നിളാ നദിയ്ക്ക്)

2006-09-09T20:02:00.000+04:00

കേള്‍ക്കുന്നുണ്ട്

മഴത്തുള്ളികള്‍

നിന്റെ മാറിലൊതിയ

ആര്‍ദ്രമായ താരാട്ട്,

കേള്‍ക്കുന്നുണ്ട്

ഓരങ്ങളിലെ പൂക്കള്‍

പ്രണയപാരമ്യത്തില്‍

നിനക്ക് സമ്മാനം തന്ന

ഇതളുകളുടെ മൌനം,

കേള്‍ക്കുന്നുണ്ട്

കീശക്കിലുക്കം, യന്ത്രപ്പെരുക്കം

ആകാശംതൊട്ട

മണ്ണ്കട്ടയുടെ ഹുങ്ക്,

കേള്‍ക്കുന്നുണ്ട്

ഒച്ചക്കാന്‍ മറന്ന

പ്രതിഷേധങ്ങള്‍, പ്രകടനങ്ങള്‍

വിലാപങ്ങള്‍,

വറ്റിയൊളിച്ച

പുഴയുടെ മാറില്‍നില്‍കുബൊള്‍

ഒരുപാടൊച്ചകള്‍കൊടുവില്‍

ഞാനെന്തേ ഒറ്റക്കാവുന്നു,

ഒഴുകാന്‍ മറന്ന പുഴപൊല്‍.

കുഴലൂത്തുകാരന്‍ (ബിസ്മില്ലാ ഖാന്‌)

2006-08-21T19:34:00.000+04:00

ഒരുപാടെലികള്‍
നീയറിയാതൊളിച്ച
നിന്റെ കുഴല്‍
നീ തന്നെ തിരിച്ചെടുക്കുന്നു
ആരോടും പറയാതെ,

ഒരുപാടുപേര്‍
ഒരുമിച്ചൊഴുകിയ
കുഴലിന്റെ പാട്ട്
ഒരൊറ്റ നിമിഷത്തില്‍
ഓര്‍മയാവുന്നു,

ഒളിക്കാന്‍
ഒരിടം കൂടി
ഞങ്ങള്‍ക്ക് നഷ്ടമാവുന്നു.

ഞങ്ങളുടെ പുതിയ ആകാശം

2006-08-12T21:35:00.000+04:00

ഇന്നലെവരെ
ഞങ്ങളുടെ ആകാശം മുഴുവന്‍
നക്ഷത്രങ്ങളായിരുന്നു;
രാത്രിയില്‍
ചൊറുതരുബൊഴൊക്കെ
അവയെ ചൂണ്ടി
കഥകള്‍ പറയുമായിരുന്നു
ഞങ്ങളുടെ ഉമ്മ.

ഇന്നലെ പക്ഷെ,
‘ഉലായ്ക്’*
ഉമ്മ കൊടുത്ത മുലപ്പാലിന്
ചുവന്ന നിറമായിരുന്നു;
ഞാനെത്ര വിളിച്ചിട്ടും,
ഉമ്മ ഒന്നും മിണ്ടുന്നേയില്ല!!

ഞാനാകാശത്തേക്ക് നൊക്കി;
നക്ഷത്രങ്ങള്‍‌കുപകരം
അവിടെ നിറയെ
മിസൈലുകളായിരുന്നു;

“ഞങ്ങളിപ്പൊള്‍
മിസൈലുകളുടെ താരാട്ടില്‍
ആകാശത്തുനിന്നു വീഴുന്ന
പൊതിച്ചൊറുണ്ണുന്നു“

* ലബനാന്‍ പെണ്‍കുട്ടി.

അബ്ദുള്ള വല്ലപ്പുഴ.

നിനക്കുമുന്‍പേ

2006-08-01T21:15:00.000+04:00

പെയ്ത്പൊയ
മഴക്കാലങ്ങളുടെ പാട്ടില്‍
ഇപ്പഴും നനയുന്നു,
കുട വേണ്ട;

വരണ്ട കാലത്തെ
വിറയാര്‍ന്ന ചുംബനത്തില്‍
ഇപ്പഴും ജീവിക്കുന്നു,
ചുണ്ട് തരിക;

കാത്തിരിന്നു കിട്ടിയതിനെ
കാറ്റ്
കടലിന് കൊടുക്കുന്നു,
വീണ്ടും വിളിക്കുക.

നമ്മള്‍‌
മഴ പിണങ്ങി,
ഒഴുക്കു മറന്ന്,
ഇടമുറിഞ്ഞ പുഴ;

നമുക്കിടയിലെ,
മണലെടുത്ത കുഴി,
ചിത പുകക്കുന്നു;
വിളിക്കുന്നു.

“നില്‍ക്കുക!,
നിനക്കുമുന്‍പേ,
എനിക്ക് കത്തണം”

അബുള്ള വല്ലപ്പുഴ.

നിന്റെ പുതിയ കല

2006-07-27T18:56:00.000+04:00

മഴത്തുള്ളികളെ ഉള്ളിലൊളിപ്പിച്ച് ഒരു മേഘമെന്നെ കൊതിപ്പിക്കുന്നു, ഒരുപാട് പേരുടെ ചെരുപ്പിന്റെ ചുംബനം കിട്ടിയ മണല്‍‌തരികള്‍ സൂര്യനൊട് നിര്‍ത്താതെ ചിരിക്കുന്നു, കൂട്ടത്തില്‍നിന്ന് ഒറ്റപ്പെട്ടിട്ടാവണം ഒരു പൂച്ച ദയനീയമായി കരയുന്നു, ....

കൂടെ വന്നവരെപൊലെ ഞാനും എന്റേതിന് പകരം നിന്റെ പേര് മണലിലെഴുതുന്നു, പൂര്‍ത്തിയാക്കും മുംബേ ഓരൊതവണയും തിരയുടെ ആര്‍ത്തി എന്നെ തൊല്പിക്കുന്നു, ഞാന്‍‌ തളര്‍‌ന്നിരിക്കുന്നു, ....

ചിലപ്പൊള്‍‌, നീ വിസ്വസിക്കുന്ന ഒരുപാട് ദൈവങ്ങളെ പൊലെ, എല്ലാ വൈകുന്നേരങ്ങളിലും നമ്മള്‍ നടന്നിരുന്ന ‍ഒറ്റപ്പാലം റെയില്‍‌വേ തെരുവിലെ നിഷ്കളങ്കരായ തെരുവുബാലന്മാരെപൊലെ, വിചിത്രമായ എന്തൊ കാരണത്താല്‍ എന്നെ സ്നേഹിക്കുന്ന നിന്റെ വയസ്സന്‍ മുത്തശ്ശനെപൊലെ, ഭ്രാന്തമായെന്നെത്തഴുകുന്ന ഈ തിരമാലകളും സങ്കല്പങ്ങളില്‍പൊലും നമ്മൊളൊരുമിച്ചിരിക്കുന്നതിനെ ഇഷ്ടപ്പെടുന്നുണ്ടാവില്ല.

ഞാനിപ്പൊള്‍ ഒരുകല്ലിലിരിക്കുന്നു, കാമുകീകാമുകന്മാരാണെന്ന് തൊന്നുന്നു രണ്ട്പേര്‍ പരസ്പരം എന്തൊക്കെയൊ പറഞ്ഞ് മനൊഹരമായി ചിരിച്ച്കൊണ്ട് പൊവുന്നു, (ചിലപ്പൊള്‍ അവസാനം കണ്ടപ്പൊള്‍ പാലത്തറയിലിരുന്ന് നീ പറഞ്ഞപൊലെ അവരും സുഹൃത്തുക്കള്‍ മാത്രമാവാം)....

പേരറിയാത്ത ആരൊടൊക്കെയൊ എനിക്ക് വല്ലാത്ത അമര്‍ഷം തൊന്നുന്നു, അടക്കാനാവാത്ത ദേഷ്യം തൊന്നുന്നു, നീയെന്നും പറയാറുള്ള ആ ഡിസംബറിലെ രാത്രി നീചൊല്ലിയ സില്‍‌വ്യാ പ്ലാതിന്റെ കവിത ഒരശരീരിപൊലെ എന്റെ ചെവിയില്‍ മുഴങ്ങുന്നു,
'dying is an art,
like everything else,
i do it exceptionally well''

‘അറിയുക,
ഞാന്‍ നിന്റെ പുതിയ കല പരീക്ഷിക്കാനെരുങ്ങുന്നു‘

കാലങ്ങളില്‍

2006-07-24T18:58:00.000+04:00

ഇന്നലെ...

നീയെന്നെ തൊടുന്നു,

മഴത്തുള്ളികള്‍‌ പുഴയേയെന്നപൊല്‍‌.,

ഞാന്‍‌,

മഴ കുളിപ്പിച്ച് പൊയ,

ആല്‍‌മരങ്ങളെ സ്വപ്നം കാണുന്നു.,

നിന്റെ ചുബനചൂടില്‍,

എന്റെ പേന,

ആദ്യാക്ഷരം പെറുന്നു,

ഇന്ന്‌....

സാദ്യതകളുടെ വൈവിധ്യത്തെ കുറിച്ച്‌,

നീയെന്നൊട്‌ തര്‍കിക്കുന്നു.,

സാദ്യതകളേയില്ലാത്ത ഒരു വഴിമാത്രം,

എനിക്കു ബാക്കി തരുന്നു.,

എന്റെ പേനയുടെ പാട്ടില്‍,

നീ സംശയം പറയുന്നു.,

നാളെ....

ഞാന്‍‌ ഊമയാവില്ല.,

എന്റെയക്ഷരങ്ങളുപവസിക്കില്ല.,

എന്നാലും,

എന്റെ വരികളില്‍ നിന്ന് തെറിച്ച് പൊയേക്കും,

ഒരുപാടക്ഷരങ്ങള്‍,

പ്രധിഷേധത്താല്‍,

ഒന്നും മിണ്ടാതെ,

അന്ന് നീ പറ‌ഞ്ഞത്

2006-07-21T18:04:00.000+04:00

നിന്റെ ഏകാന്തത മുഴുവന്‍
പ്രളയത്തിലൊളിപ്പിക്കുന്ന
പെരുമഴക്കാലം വരും,
ഉറഞ്ഞുകട്ടിയായ
ഈ മുറിയുടെ ഇരുട്ടിനെ
കടലെടുക്കും,
നിനക്കേറ്റമിഷ്ടമുള്ള,
വൈകുന്നേരങ്ങളിലെ കാറ്റ്‌
ചാറ്റല്‍മഴയായ്‌ വരും, വാഴയില കുടതരും,
കാലുമൂടിയൊഴുകുന്ന
കലക്കവെള്ളത്തിലൊഴുക്കാന്‍‌
കടലാസു തൊണിതരും,
ഒറ്റക്കാവുബൊള്‍
നീ വിളിക്കാറുള്ള
നിന്റെ മാത്രം അക്ഷരങ്ങള്‍
‍എന്നിലേക്കൊഴുകിവരും,
നാനും നീയും,
തൊരാതെ പെയ്യുന്ന മഴയും,
ഒറ്റക്കാവും,....

നീ ചോദിച്ചത്

2006-07-20T11:29:00.000+04:00

ഒരിടമാണ്
നീയാദ്യം ചോദിച്ചത്,
പക്ഷേ,
എനിക്കും ആദ്യമില്ലാതായത്
ഇടമാണ്.

ആകയാല്‍,
നമുക്കിനി
ഒരുമിച്ചു പാടാം,
ഇടങ്ങളില്ലാത്തവര്‍ക്കായ്...